ప్రపంచంలో చాలామంది టూరెస్ట్ లకు వెళుతుంటారు. ఇక ఏదైనా పర్యాటక ప్రదేశానికి వెళ్లినప్పుడు అక్కడ మన బంధువులు గాని... స్నేహితులు కాని... తెలిసినవారు కాని ఎవరూ లేనప్పుడు అక్కడున్న హోటల్స్ లో స్టే చేస్తాం. అనేక రకాలైన కేటగిరీల్లో హోటల్ యజమానులు అద్దెకు ఇస్తుంటారు. ఆ రూంలలో కొన్ని సౌకర్యాలను కూడాఏర్పాటు చేస్తారు. ఆ రూంలలో స్టే చేసేవారి సౌకర్యార్దం కొన్ని వస్తువులను ఉంచుతారు. వాటిలో కొన్ని వస్తువులను ఇంటికి తెచ్చుకోవచ్చు.. కొన్నింటిని వాడుకొని అక్కడే వదిలేయాలి. ఏ వస్తువులు ఇంటికి తెచ్చుకోవచ్చు.. ఎలాంటివి తెచ్చుకోకూడదో తెలుసుకుందాం. . . .
బాలి ద్వీపానికి ఓ ఫ్యామిలీ టూర్ కెళ్లింది. ఆ ఫ్యామిలీ అక్కడ ఒక హోటల్లో స్టే చేశారు. అయితే వచ్చేటప్పుడు హోటల్ లోని కొన్ని వస్తువుల్ని తీసుకుని బయల్దేరారు. అనుమానమొచ్చిన హోటల్ స్టాఫ్ వాళ్ల లగేజ్ చెక్ చేస్తే హోటల్ సామగ్రి దొరికింది.
టూరిస్టులకు ఆ ప్రాంతంలోని హోటల్లో అక్కడి వస్తువుల విషయంలో అవగాహన కలిగి ఉండాలి. ఏ వస్తువు తీసుకెళ్లొచ్చు.. ఏది తీసుకెళ్లకూడదో తెలిస్తే సమస్యేం ఉండదు. ఏ హోటల్లో స్టే చేసినా కొన్ని వస్తువుల్ని హోటల్ సిబ్బంది ప్రొవైడ్ చేస్తారు. వాటిలోంచి కొన్నింటిని పూర్తిగా కస్టమర్లు వాడుకోవచ్చు. అవసరమైతే వెంట తీసుకెళ్లొచ్చు కూడా. హోటల్ నుంచి కస్టమర్లు తీసుకెళ్లగలిగే వస్తువులివి.
- హోటళ్లలో కస్టమర్లు స్నానం చేసేందుకు టవల్స్, సోప్స్, షాంపూలు వంటివి ప్యాకేజీలో భాగంగానే అందిస్తారు. వీటిలోంచి సబ్బులు, షాంపూలు, కండీషనర్లు, బాడీ లోషన్స్ వంటివి కస్టమర్లు తీసుకెళ్లొచ్చు,
- టవల్స్ మాత్రం వాడుకుని తిరిగిచ్చేయాలి.
- హోటల్లో హెయిర్ డ్రయ్యర్లు. బాత్రూమ్ స్లిప్పర్లు ఉంటాయి. స్లిప్పర్లను వెంట తీసుకెళ్లొచ్చు. హెయిర్ డ్రయ్యర్లు, ఇతర ఎలక్ట్రానిక్స్ హోటల్ కు పరిమితం.
- బెడ్ షీట్లు, వాల్ క్లాక్స్ ఇవి తీసుకెళ్లకూడదు. అలానే పెయింటింగ్స్, లైట్స్, బల్స్, కర్టెన్స్, రిమోట్స్, ప్రింటెడ్ బుక్స్.. వీటిలో ఏ ఒక్కదాన్నీ తీసుకెళ్లడానికి వీల్లేదు..
- టూత్ బ్రష్లు, ఇయరడ్స్, షుగర్ ప్యాకెట్, నోట్ పేపర్స్. పెన్స్.. వంటివి తీసుకోవచ్చు.
